CHAPLAINCY

Caplaniaeth Cymraeg i ofalu am y Cymry sy’n byw yma ac sy’n dod i’r Glannau o Gymru am gyfnod i ysbytai, colegau a carchardai
Welsh Chaplaincy to care for the Welsh who live on Merseyside and who come for short stays in hospitals, colleges and prisons in the area. ^{(6) (7)}

GWAITH Y CAPLAN

Mae’r caplan yno i ofalu am y rhai sy’n dod o Gymru i aros am sbel ar y Glannau mewn ysbytai, colegau neu garchardai. Mae yno hefyd i’r Cymry sy’n byw yn Lerpwl a’r cyffiniau ers tro, yn arbennig yr henoed sy methu mwyach mynd allan, mae rhai yn byw mewn cartrefi henoed, eraill yn gaeth i’w cartrefi eu hunain ond yn mwynhau cael cysylltiad hefo rhywun Cymraeg.

Mae Caplaniaeth wedi bod yn Lerpwl a Bootle a’r cyffiniau trwy waith cydwybodol gweinidogion i lawr y blynyddoedd, a hefyd gwyr a gwragedd a apwyntiwyd yn arbennig fel Hugh Roberts, Bootle, John Evans, Beaconsfield Road a’r Chwaer Kate Evans, Edge Lane.

Ond, ers 1984, oherwydd lleihad yn nifer y gweinidogion, cafwyd apwyntiad swyddog arbennig i wneud gwaith caplan ar Lannau Mersi, i ail-gydio yn hanes gwych y gorffennol.

Heddiw, yn dilyn John Sam Jones, Dafydd Rees a Rachel Gooding - bob un wedi gwneud dydd da o waith yn y gaplaniaeth - mae Eleri Edwards wedi bod yn gaplan o Medi 1996 hyd mis Mai 2004.  Yna yn Mis Mai 2005 dechreuodd ei olynydd ar y gwaith sef y Parchedig Nan Powell-Davies, Wyddgrug..

Mae’r caplan heddiw fel ddoe, yn ymweld â phobl yn yr ysbyty a’r carchar, yn gwrando arnynt ac yn sgwrsio. Mae’n barod i helpu mewn unrhyw ffordd yn ôl yr angen ac yn arbennig i gadw sgwrs yn gyfrinachol a gweddïo dros y claf a’r caethiwus. Mae hi yn barod i adrodd emyn neu ddarllen y Beibl a gweddïo, a rhoi’r Sacrament o Swper yr Arglwydd neu Fedydd os dyna yw dymuniad yr unigolyn.

Mae’r caplan hefyd ar ddiwedd y ffôn ac yn awyddus i ymateb i unrhyw un o Gymru neu sy’n trigo yn Lerpwl a’r cyffiniau ac sy’n teimlo’r awydd i siarad Cymraeg neu i wybod beth sy’n mynd ymlaen ar y Glannau ymysg y Cymry mewn Capel a Chymdeithas. Hynny yn arbennig i fyfyrwyr ar ddechreu eu cyrsiau neu o gwmpas yr arholiadau; yn ogystal ag i nyrsys a doctoriaid neu swyddogion eraill sy newydd cyrraedd yn y ddinas ac yn awyddus i fwrw gwreiddiau.

Mae nifer o deuluoedd yn cysylltu i ddweud bod rhywun yn dwad i Lerpwl ac yn rhoi’r manylion perthnasol, sef:

• enw llawn
• cyfeiriad yr ysbyty, y ward
• enw a rhif y carcharor a

chyfeiriad y carchar gan fod mwy nag un yn y talgyrch

Os bosib, mae’n dda i ofyn i’r claf neu bwy bynnag sy’n dod atom os hoffan nhw weld rhywun Cymraeg sy’n dod yn enw holl eglwysi a enwadau Cymru. Mae seciwriti yn llym iawn ym mhob man y dyddiau yma ac felly nid ydyw’n bosib i’r caplan fynd o gwmpas heb wybodaeth gywir o’r person a’r lle i’w ffeindio a chofier felly y cyfarwyddiadau.

Cofier yr alwad o Efengyl Mathew 25: 36,37:
Meddai Iesu Grist: "...bûm yn ddieithr a chymerasoch fi i’ch cartref; bûm ...yn glaf ac ymwelsoch â mi; bûm yng ngharchar a daethoch ataf."
Dyna fraint y disgybl o hyd

MANYLION Y GAPLANIAETH
Parchg. Nan Wyn Powell-Davies, B.TH.
ffôn y caplan: 01352 753668

ebost : caereini@tesco.net
Anfonwch neges trwy’r we ac fe gaiff groeso

Y caplan yn sgwrsio hefo swyddog

Yr adnoddau!

Caplan Parchedig Eleri Edwards

Chwefror 2002